Skog og klima i statsbudsjettet

Regjeringas forslag til statsbudsjett inneheld 25 millionar kroner til skog, klima og energitiltak som ei oppfølging av stortingsmeldinga om klimautfordringane i landbruket, over landbruksdepartementets budsjett. Det blir også løyvd 20 millionar kroner til forsking og utvikling innan fornybar energi og karbonfangst og lagring. Forskingsprogrammet Norklima i Norges Forskingsråd får også tre millionar kroner.

Over Olje- og energidepartementets budsjett blir det løyvd 1,8 milliardar til Enova. Enova er eit statsføretak som skal fremje miljøvennleg omlegging av energibruk og energiproduksjon. Det gir blant anna støtte til bioenergianlegg.

Til CO2-hanteringa løyver regjeringa totalt 3,5 milliardar, ei auke på 1,6 milliardar i høve til 2009. Det er ikkje uviktig for skog dersom systemet med aminreinsing med bruk av bioenergi lykkast, då vil det gå med store mengder flis. Men det er eit stykke fram.

Men regjeringa føreslår også å halvere avgiftsfritaket som har vore på biodiesel neste år og fjerne det heilt i 2011. For rein biodiesel blir avgifta dermed 1,78 kro per liter neste år. Målet om innblanding av minst 2,5 prosent biodrivstoff blir nådd ved at fem prosent biodiesel er blanda i ordinær autodiesel. Dermed meiner Finansdepartementet at lågare pris på diesel vil føre til høgare totalforbruk med dei miljøproblem det fører med seg.

Norske Skogs kommunikasjonsdirektør, Tom Bratlie, seier til nrk at dette vil gjere det vanskeleg for selskapet å produserer drivstoff frå trevirke.

Sjå meir om det her